Астанада белгілі театр сыншысы Әшірбек Сығайды еске алу кеші өтеді

АСТАНА. ҚазАқпарат - 22 қаңтар күні елордадағы Қазақ ұлттық өнер университетінде танымал театр сыншысы Әшірбек Сығайды еске алу кеші өтеді.

Саналы ғұмырын «театр» атты ұғымның қанат қағуына арнаған, өнер, мәдениет, әдебиет әлеміне де проблемалық мақалалар арнаған, халықтың ұлы, өнердің жанашыры Әшірбек Сығайдың рухына арналып өтетін кеш аясында ол туралы режиссер Халила Омаровтың «Сын сардары» атты деректі фильмі көрсетіледі. 22-ші қаңтар күні сағат 11:00-де Қазақ ұлттық өнер университетінің Жамбыл Жабаев атындағы залында өтетін «Сыннан сыр түйген шебер» атты белгілі театр сыншысын еске алу кешіне келіңіздер, деп хабарлайды adebiportal.kz.