Астанада бірінші жарты жылдықта 900 мың шаршы метрден астам тұрғын үй салынды

АСТАНА. ҚазАқпарат - Астана қаласы Экономика және бюджетті жоспарлау басқармасының хабарлауынша, 2015 жылдың бірінші жарты жылдығында елордада жалпы ауданы 941 624 шаршы метрді құрайтын тұрғын үйлер пайдалануға тапсырылған.

Бұл өткен жылдың көрсеткіштерінен 79,6% артық.

Барлығы тұрғын үй құрылысына 55 800,7 миллион теңге жұмсалған, 2014 жылмен салыстырғанда бұл көрсеткіш 110,9% ұлғайып отыр.

Жыл басынан бері негізгі капиталға 270 646,8 миллион теңге инвестиция тартылған. Ивестициялардың республикалық көлемінде Астана қаласының үлесі 10,1% (2014 жылдың қаңтар-маусым айларында 9,4% құраған) құрап отыр.

Ғимараттардың құрылысы мен жөндеу жұмыстарына салынған инвестициялар көлемі ағымдағы жылдың бірінші жарты жылдығында 64,3% құрады немесе 173 922,1 миллион теңгеге тең болды, деп хабарлайды astana.kz .