Астанада бірнеше автобустың бағыты уақытша өзгерді
АСТАНА. ҚазАқпарат - «City Transportation Systems» ЖШС астана қаласында бірнеше автобустың бағыты уақытша өзгергенін мәлімдеді, деп хабарлайды ҚазАқпарат.
«Мәңгілік ел даңғылындағы Триумфалдық арка учаскесінде жол жөндеу жұмыстары жүргізілуіне байланысты, №№ 15, 15А, 18, 35, 43, 46, 54, 70 бағдарларының қозғалыс сызбасы өзгерді.
Сапарларыңызды алдын ала жоспарлауды сұраймыз», - делінген ведомство хабарламасында.
