Астанада болған өртте 4 адам зардап шегіп, 15 адам қауіпсіз аумаққа көшірілді - ТЖМ

АСТАНА. Қаңтардың 14-і. ҚазАқпарат - Астана қаласы Сарыарқа ауданындағы көпқабатты тұрғын үйлердің бірінде болған өрт салдарынан 4 адам күйік жарақаттарын алып,
None
None

15 адам қауіпсіз жерге көшірілді, деп хабарлайды ҚазАқпарат.

Төтенше жағдайлар министрлігінің мәліметіне сәйкес кеше, қаңтардың 13-і сағат 11.56-да Ә.Молдағұлова көшесіндегі 24-ші үйде орналасқан төрт қабатты тұрғын үйдің үшінші қабатында газ баллонының жарылуы болды. 60 шаршы метр аумаққа жайылған өрт барлығы үш пәтерді жалмады. Төтенше оқиғада 4 адам түрлі дәрежедегі күйік жарақаттарын алып, ауруханаға жеткізілді. Тағы 15 адам қауіпсіз жерге көшірілді.

Тілсіз жау Астана қаласы ТЖД өртке қарсы қызметінің 23 адамы мен 7 техникасының күшімен 2 сағатқа жуық уақыттан кейін ауыздықталды.

Соңғы жаңалықтар