Астанада бір көше уақытша жабылады
АСТАНА.KAZINFORM - Астанада биылғы 25–27 маусым аралығында Ақмешіт көшесінен Қазақ радиосы көшесіне дейінгі Нұржол бульварында маршруттық жөндеу жұмыстарын жүргізіліп жатыр.
Осыған байланысты аталған учаскеде автокөлік құралдарының қозғалысы толықтай жабылатын болады.
- Жүргізушілер мен жаяу жүргіншілерден қозғалыс бағытын алдын ала жоспарлауды және жол қозғалысын ұйымдастырудағы өзгерістерді ескеруді сұраймыз. Уақытша қолайсыздықтар үшін кешірім сұраймыз, - делінген қала әкімдігі хабарламасында.
Бұған дейін Астанадағы маңызды көшелердің бірінде жол төсеу жұмыстары жүргізілетінін жазған едік.
26–28 маусым аралығында Сығанақ көшесінде Арыс көпірінен (М-3) Түркістан көшесіне дейінгі учаскеде жол жабынының үстіңгі қабатын төсеу жұмыстары жүргізіледі.
