00:17, 18 Ақпан 2025 | GMT +5
Астанада бірқатар автобустың қозғалыс бағыты өзгереді
АСТАНА. KAZINFORM – Астанада Қонаев көшесіндегі жөндеу жұмысына байланысты бірқатар автобустың қозғалыс бағыты өзгереді.
Астанада 19 ақпан мен 30 қазан аралығында Дінмұхамед Қонаев көшесімен жүретін №№ 12, 29, 29А, 35, 305, 312 бағдарларының қозғалыс сызбасы уақытша өзгереді.
- Осы кезеңде «Астана Опера» Мемлекеттік опера және балет театры маңындағы жерүсті жаяу жүргіншілер өткелін қайта жаңарту жұмыстарына байланысты Дінмұхамед Қонаев көшесінің Қабанбай батыр даңғылынан Тұран даңғылына дейінгі бөлігі жабылады, - делінген хабарламада.
Өзгертілген қозғалыс сызбасы суретте көрсетілген. Сапарыңызды жоспарлау кезінде бұл өзгерістерді ескерген жөн.
Еске салсақ Астанадағы басты көшелердің бірі жабылатыны туралы хабарлаған едік.
