Астанада дауылды ескерту жарияланды

АСТАНА. ҚазАқпарат - 23 қарашада Астанада қатты жел мен көктайғақтың болуына байланысты дауылды ескерту жарияланды. Бұл туралы astana.kz сайтына «Қазгидромет» РМК баспасөз қызметінен хабарлады. «Қар жауып, бұрқасын болады, оңтүстік-батыстан 15-20 м/с жылдамдықпен жел соғады, кей жерлерде екіпіні 25 м/с жетеді», - делінген хабарламада.

24 қарашада елордада түнде ауа температурасы 25-30 градусқа дейін төмендейді, кей жерлерде 33 градус аяз болады. ҚР Білім министрлігі баспасөз қызметінің хабарлауынша, Астана қаласында мектеп оқушылары мен студенттер үшін сабақтың өткізілмейтіні туралы ақпарат сол күні жарияланатын болады.