Астанада демалыс күндері қай көшелер жабық болады
АСТАНА. KAZINFORM – Астанадағы Кенесары көшесі мен А. Сембинов көшесінің қиылысында жол төсеміне орташа жөндеу жүргізіледі, деп хабарлайды елорда әкімдігінің ресми сайты.
Осыған байланысты 6-7 маусым аралығында аталған учаскеде көлік қозғалысы толықтай жабылады.
Жүргізушілер мен жаяу жүргіншілер жүру бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылады.
Еске сала кетейік, осыған дейін Астана көшелеріне София және Марко Поло атауын беру ұсынылғанын жазғанбыз.
