Астанада демалыс күндері жауын-шашынның бір жарым айлық нормасы жауды
АСТАНА. ҚазАқпарат - Астанада демалыс күндері жауын-шашынның бір жарым айлық нормасы жауды, деп хабарлайды ҚазАқпарат.
Елорда әкімдігінің мәліметінше, коммуналдық қызметтер тәулік бойы күшейтілген режимде жұмыс істеуде. Қар тазалау жұмыстарын 2,2 мыңнан астам жол жұмысшысы және мыңнан астам арнайы техника жүргізуде.
«Қазгидромет» РМК деректері бойынша, ай сайынғы нормасы 22 мм болған жағдайда, тек соңғы үш күнде Астанада 37,6 мм жауын-шашын жауды.
Сәуірдің 16-17-не қараған түні елордадан 23 мың текше метрден астам қар шығарылды. Бұл 1600-ден астам қар жүк көлігі.
