Астанада «Дені сау ұлт - қуатты Қазақстан» ұранымен шаңғы спортынан жарыс өтті

Бұл туралы Астана қаласының Туризм, дене шынықтыру және спорт басқармасынан хабарлады.

Жарысқа «Астана Орманы», «Қазақстан темір жолы», ҚР Ұлттық қауіпсіздік комитеті, №7 аурухана, Ұлттық мұрағат, Есіл ауданының әкімдігі, «Астана» халықаралық әуежайы, Халыққа қызмет көрсету орталықтары, Есіл ауданының қылмыстық соты, Республикалық диагностикалық орталығы және басқа да қалалық, республикалық мекемелерден барлығы 1500-ден астам адам қатысты.

Тартысты өткен доданың нәтижесінде әйелдер арасында Светлана Иманғожина, 35 жастан асқан ерлер арасында - Василий Кучин, 25 жасқа дейінгі жастар арасында Александр Пилипенко, студенттер арасында Алексей Кучук жеңімпаз атанды.