Астанада екі көше учаскесі уақытша жабылады
АСТАНА. KAZINFORM – Елордалық Көлік және жол-көлік инфрақұрылымын дамыту басқармасы Е.Брусиловский мен Г.Титов көшелеріндегі жол төсемін орташа жөндеу жұмыстарын жүргізіп жатыр. Бұл туралы Астана әкімдігінің ресми сайты жазды.
Жөндеу жұмыстарын жүргізуге байланысты Е.Брусиловский көшесінің Кенесары көшесінен А.Иманов көшесіне дейінгі учаскесінде 5-6 мамыр аралығында қозғалыс ішінара жабылатын болады.
Сондай-ақ Алмалық көшесінен Ардагерлер көшесіне дейінгі учаскеде Г.Титов көшесіндегі жол жабынына жөндеу жүргізу жоспарланып отыр. Осыған байланысты 5-6 мамыр аралығында автокөлік құралдарының қозғалысы толығымен жабылады.
«Елорда тұрғындары мен қонақтарынан қала жолдарындағы кептелістерді болдырмау мақсатында өз маршруттарын алдын ала жоспарлауды сұрайды», - делінген хабарламада.
