Астанада екі монша қатарынан өртеніп кетті

АСТАНА. KAZINFORM — Астана қаласында екі монша қатарынан өртеніп кетті.

Елордалық құтқарушылар монша кешендерінің бірінің аумағында өртті сөндірді.

«ТЖМ мамандары оқиға орнына келгеннен кейін монша кешенінің аумағында екі моншаның жануы орын алғанын анықтады.

Құтқарушылар күштерімен ашық өрт оқшауланды», — деп жазды ведомствоның баспасөз қызметінен.

Зардап шеккендер жоқ, себебі анықталуда.

ТЖМ кәсіпкерлерден өрт қауіпсіздігі ережелерін сақтауды сұрайды.