Астанада екі бала мен бір бойжеткен газ иісінен уланып қалды
АСТАНА. ҚазАқпарат - Астанада жекеменшік үйде екі бала иіс тиіп уланып қалды, деп хабарлады ҚР ТЖМ баспасөз қызметінен.
ТЖ Сарыарқа ауданында Үшқоңыр көшесінің бойында орын алды. Жылыту пешінен тағы ақау шықты. Салдарынан 3 және 1 жасар бала газ иісінен уланып, ауруханаға жатқызылды. Дәл осындай жағдайда Астананың Оңтүстік-Шығыс шағын ауданында тұратын 17 жасар қыз зардап шекті. Ол да ауруханада жатыр.
