Астанада ең үздік білім беру мекемелері рейтингісінің қорытындысы шықты
АСТАНА. 3 қазан. ҚазАқпарат - Астана қаласында Ұстаздар күнінің қарсаңында ең үздік оқу орындары рейтингісінің қорытындысы жарияланды.
Астана әкімдігінің мәліметінше, осы жылы алғаш рет «Көшбасшы мектеп» атағы тағайындалды. Осы құрметті атаққа № 38 мектеп-лицей ие болды.
Жыл сайын оқу жылының қорытындысы бойынша үздік білім беру ұйымдары марапатталатын болады. Биыл «Үздік балабақша» аталмын № 8 «Думан» балабақшасы иеленді, «Үздік колледж» - көлік және коммуникация колледжі. Ал, «Үздік қосымша білім беру мекемесі» ретінде «Арман» спорт-сауықтыру лагері танылды. «Кәмелеттік жасқа толмаған балалар үйі» ММ «2012 жылдың Үздік мамандандырылған білім беру ұйымы» аталымына ие болды.
