Астанада ерекше субұрқақ пайда болды
АСТАНА. ҚазАқпарат - Астанада демалыс күндері музыкалық субұрқақ пайда болды. Ол «Салтанат сарайының» жанындағы көпірде орналасқан, деп жазады astana.gov.kz.
Субұрқақ 10 су айдаушы сорғының көмегімен жұмыс істейді. 250 бүріккіден қысыммен су шығады. Оны қосқан кезде танымал ұлттық және әлемдік классикалық музыка композициялары орындалады. Субұрқақ арнайы орнатылған қондырғының көмегімен компьютер арқылы басқарылады. Субұрқақ тек демалыс күндері ғана сағат 22.00-01.00 жұмыс істейді.
