Астанада Италия музыкасының кеші өтеді
Оркестр құрамында талантты жас солистер, Қазақ Ұлттық Өнер университетінің, Құрманғазы атындағы Қазақ Ұлттық консерваториясының және ТМД-дағы алдыңғы қатарлы жоғарғы оқу орындарының ұстаздары мен түлектері жұмыс істейді. Оркестрдің көптеген артистері республикалық және халықаралық конкурстардың лауреаттары мен Гран-При иегерлері. Оркестр негізі қаланған күннен бастап, қала көлемінде ғана емес, Қазақстан аймақтарында да музыкалық-ағартушылық қызмет атқарып, сайыстар мен халықралық үрлемелі аспаптар оркестрлерінің фестивальдеріне қатысады Қарағанды «Музыкалық Сарыарқа» фестивалі, Астана қаласы үрлемелі аспаптар оркестрлерінің парады, «Астана самалы» фестивалі, Новосибирск қаласы үрлемелі аспаптар оркестрлерінің халықаралық фестивальдері. Оркестр тыңдармандарын үрлемелі аспаптар оркестріне арналған бірегей шығармалар, орыс және шетел музыкасының озық үлгілерімен таныстырады. 20 қаңтардағы «Италья музыкасының кеші» концерттік бағдарламасында оркестр тыңдарман назарына итальян композиторларының шығармаларын ұсынады. Ал, 22 қаңтарда «Астана» Ұлттық сурет галереясында Қазақстанның танымал камералық ансамбльдерінің бірі, Ғ.Жұбанова атындағы Мемлекеттік ішекті аспаптар квартеті өнер көрсететін камералық аспаптық музыкаға арналған кеш өтеді.