Астанада Қ. Мұхамедханов пен Ш. Айтматов көшелерінің қиылысы ішінара жабылады
АСТАНА. KAZINFORM — Астанада Қ. Мұхамедханов пен Ш. Айтматов көшелерінің қиылысар тұста жол төсемін жөндеу жұмысы жүргізіледі, деп хабарлайды елорда әкімдігінің ресми сайты.
Осыған байланысты 26 тамыз күні аталған учаскеде көлік қозғалысы ішінара шектеледі.
— Жүргізушілер мен жаяу жүргіншілер жүру бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады, — деп ескертті ведомство.
Бұдан бұрын елордада Шыңғыс Айтматов көшесінің бір бөлігі 29 тамызға дейін жабылатыны айтылды.
