Астанада Қабанбай батыр даңғылы жабылады
АСТАНА. ҚазАқпарат - Қабанбай батыр даңғылының Достық көшесінен бастап Д.Қонаев көшесіне дейінгі аралығында орташа жөндеу жұмысы жүргізіледі, деп хабарлайды ҚазАқпарат қала әкімдігінің сайтына сілтеме жасап.
Қалалық Көлік және жол-көлік инфрақұрылымын дамыту басқармасының мәліментінше, 26 қыркүйекте кешкі сағат 21:00-ден 27 қыркүйекте 07:00-ге дейін аталған учаскеде көлік қозғалысы жабылады.
Құрылысшылар қолайсыздыққа байланысты кешірім сұрай отырып, кептеліс тудырмау үшін қала тұрғындары мен қонақтарынан жол қозғалысы бағыттарын алдын ала жоспарлап алуын сұрайды.
