Астанада КамАЗ-дың кесірінен үш көлік апатқа ұшырады
АСТАНА. ҚазАқпарат - Астанада КамАЗ жүк көлігі жаппай жол апатын тудырды, деп хабарлайды «ҚазАқпарат» ХАА тілшісі елордалық ІІД-ге сілтеме жасап.
«Алдын ала дерек бойынша, КамАЗ маркалы автокөліктің жүргізушісі Сарыкөл көшесімен келе жатып, Қошқарбаев көшесінің қиылысында бағдаршамның қызыл түсіне жүріп кеткен. Салдарынан бірнеше автокөліктің соқтығысуына себепкер болған», - деп хабарлады ІІД баспасөз қызметінен.
Астана қалалық ІІД баспасөз хатшысы Софья Қылышбекованың айтуынша, жол апатына КамАЗ-дан бөлек, Mercedes-Benz , Toyota және «Газель» көліктері ұшыраған. Зардап шеккендер жоқ. Қазіргі таңда полицейлер оқиғаның мән-жайын анықтап жатыр.
Фото: armenia-news.ru
