Астанада қар да қапалақтап жауып тұр, қар күреу де қауырт жүріп жатыр

Астанада 1600-ден астам арнайы техника мен 2400-ден астам жұмысшы күндізгі ауысымда көшелердегі қарды күреуге шықты. Қардың мол жаууына байланысты жұмыс тәулік бойы жүргізіліп жатыр, деп хабарлайды елорда әкімдігінің ресми сайты.

9 қаңтардан 10 қаңтарға қараған түні шамамен 50 мың текше метр қар шығарылды, бұл 3444 жүк көлігі рейсіне тең.

Қыс мезгілінің басынан бастап елордада 1 654 224 текше метр қар шығарылды, бұл 121 мыңнан астам ауыр жүк рейсін құрайды.

Қалада жиналған қар арнайы полигондарға шығарылады.

Елордада бірнеше жабдықталған қар полигоны жұмыс істейді. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.

«Қазгидромет» РМК болжамы бойынша Астанада 10 қаңтарда күн бұлтты, түнде қар, күндіз жауын-шашын (негізінен қар), боран болады.

Күндіз көктайғақ. Оңтүстік-батысқа ауысатын оңтүстік-шығыс жел 9-14 м/с, екпіні 15-20 м/с, күндіз 23-28 м/с.

Ауа температурасы түнде -16-18, күндіз -1-3 аяз.