Астанада Қаржылық бақылау инспекциясының бас маманы парамен ұсталды

АСТАНА. ҚазАқпарат - Пара алу фактiлерi бойынша Астана қаласы Қаржылық бақылау инспекциясының лауазымды тұлғаларын ұстау операциясы өттi. Бұл туралы бүгiн Астана қалалық Қаржы полициясы департаментiнiң бөлiм басшысы Олжас Сүлейменов мәлiм еттi.

"Ағымдағы жылдың 15 сәуiрiнде бюджет қаражаттарын орынсыз пайдалану фактiлерiн жасыруда көмек көрсету үшiн "Астана Тазалық" ЖШС мемлекеттiк сатып алулар бөлiмiнiң басшысынан 4,5 млн. теңге көлемiнде пара алған Қаржылық бақылау инспекциясының бас маманы Ж.Нұркеев ұсталды", - дедi О.Сүлейменов.

Сол күнi сот санкциясымен Нұркеев қамауға алынған. Тергеу амалдары жүргiзiлуде.