Астанада «Қазақстанның XXI ғасырдағы даму моделі» тақырыбында дөңгелек үстел отырыс өтті
АСТАНА. 6 қаңтар. ҚазАқпарат - Бүгін елордадағы «Атамекен» этномемориалдық кешенде «Қазақстанның XXI ғасырдағы даму моделі» атты дөңгелек үстел жиыны өтті.
Қазақстан халқы Ассамблеясының Астана қалалық хатшылығының ұйымдастыруымен өткен шараның басты мақсаты - Қазақстанның жүріп өткен жолын қорытындылау, Тәуелсіз мемлекеттің қазақстандық моделінің ерекшеліктері мен жетістіктерін талдау, Қазақстан Республикасының даму басымдықтарын талқылау.
«Бүгінде елорда тұрғындарының қауымдастығы - бұл 130-дан астам этностар мен ұлыстардың өкілдері. Олардың көпшілігі өзінің этномәдени бірлестіктерін құрды. Олардың саны қазір - 27. Сонымен бірге 12 жексенбілік мектеп жұмыс істейді. Мұның барлығы этникаралық қатынастарды, дәстүрлі мәдениет пен елдің мемлекеттілігін одан әрі дамытуға берік іргетас қаланғанын білдіреді», - дейді ұйымдастырушылар.
Дөңгелек столдың жұмысында ҚР халқы Ассамблеясының мүшелері, Парламент Мәжiлiсінің депутаттары, этномәдениет бiрлестіктер, Ассамблеяның ғылыми - сараптамалық кеңесiнiң өкiлдерi қатысты.
