Астанада кезекті бір бағдаршам іске қосылды
АСТАНА. Шілденің 21-і. ҚазАқпарат - ҚР-ның елордасында Ш.Құдайбердіұлы мен Ақжол көшесінің аумағындағы (Угольная көшесі) А.Пушкин көшесін қайта жаңартудан өткізу жобасының аясында Фурманов көшесінің қиылысында бағдаршам нысаны іске қосылды, деп хабарлайды Астана қаласы жол полиция басқармасының баспасөз қызметі.
Бағдаршам №1 автобус паркінің ауданында орналасқан. Аталмыш нысан Пушкин көшесі арқылы жолдан өтудің қауіпсіздігін, сондай-ақ көлік құралдарының №3 жол бағдарына қарай қауіпсіз шығуын қамтамасыз етеді.
