Астанада қоғамға қауіп төндіретін қылмыстық топтар жоқ - ІІД

АСТАНА. Маусымның 2-сі. ҚазАқпарат /Арман Асқаров/ - Астанада қоғамға қауіп төндіріп, азаматтардың берекесін алатын қылмыстық топтар жоқ.

Бұл туралы бүгін Астана қаласының Ішкі істер департаменті Тіл саясаты және ақпарат бөлімінің бастығы Нұрділдә Ораз мәлім етті, деп хабарлайды ҚазАқпарат.Оның айтуынша, бүгінде ішкі істер органдарының қызметкерлері алаяқтық, бұзақылық және тағы басқа қылмыстық әрекеттер жасайтын топтармен аяусыз күресіп келеді. «Ал қала тұрғындарын тонап, қорқыныш-үрей тудырып отыратын қылмыстық топтардан елордамыз ада екенін атап өткен жөн», - дейді Н.Ораз.