Астанада көктемнің жылы ауа райы орнайды
АСТАНА. ҚазАқпарат - Тұрғындар мен қонақтардың қуанышына орай Астана қаласында көктемнің жылы ауа райы орнайды. Алдағы үш күнде елордада ауа температурасы +13°С дейін көтеріледі, деп хабарлайды әкімдіктің сайты.
Қазгидромет мамандарының хабарлауынша, 13 сәуірде Астана қаласында көшпелі бұлт шығып, жауын-шашын болмайды. Солтүстік-батыстан 5-10 метр жылдамдықпен жел соғады. Ауа температурасы түнде 0,-2°С, күндіз +5+7°С құрайды.
14 сәуірде елордада ауа температурасы күндіз +11+13°С, түнде -2-4°С болады.
Сәрсенбі, сәуірдің 15 күні Астанада көшпелі бұлт шығады, жауын-шашын болады деп күтілуде. Оңтүстік-батыстан 9-14 метр жылдамдықпен жел соғады, ауа температурасы түнде 0,+2°С, күндіз +8+10°С дейін жылынады.
