Астанада көліктерге автобус жолағымен жүруге рұқсат берілуі мүмкін
АСТАНА. ҚазАқпарат - Астанада автомобильдердің қоғамдық көлікке арналған жолақта қарбалас уақыттан тыс және демалыс күндері жүру мүмкіндігі қарастырылып жатыр. Бұл жайында елорда әкімдігінің ресми сайты қалалық көлік және жол-көлік инфрақұрылымын дамыту басқармасына сілтеме жасап хабарлады.
Елордада осы мәселені шешу бойынша онлайн дауыс беру басталды, ол 2023 жылғы 10-27 ақпан аралығында жалғасады.
Пилоттық жоба Абылай хан даңғылында А.Пушкин-Манас көшесі аралығына дейін енгізілді.
Бұл көшелерде қарбалас уақыттан тыс уақытта қарапайым көліктердің жүруіне болады.
Ал таңертеңгі сағат 07.30-дан 9.30-ға дейін және кешкі сағат 17.00-ден 20.00-ге дейін автобус жолағымен жүруге тыйым салады.
Астаналықтар мына сілтемеде онлайн дауыс бере алады.
