Астанада қос жұмысшы 14-қабаттан құлап, біреуі қайтыс болды
АСТАНА. ҚазАқпарат – Бүгін Астанадағы көп қабатты тұрғын үй кешендерінің бірінде оқыс оқиға болды, деп хабарлайды ҚазАқпарат polisia.kz телеграм каналына сілтеме жасап.
Астана полициясына жұмысшылардың жоғарғы қабаттан құлағаны туралы хабарлама түскен. Тұрғын үй кешенінің 14-қабатындағы құрылыс жабдығында тұрған екі жұмысшының жерге құлағаны анықталды. Олардың бірі сол жерде қайтыс болды, ал екіншісі ауруханаға жатқызылды.
Осы факті бойынша сотқа дейінгі тергеу басталды. Қажетті сараптамалар тағайындалды.
