Елордада Космонавтар көшесінің бір бөлігі екі күнге жабылады
АСТАНА. KAZINFORM — Астанада Космонавтар көшесінде көлік қозғалысы уақытша тоқтайды, деп хабарлайды қала әкімдігінің баспасөз қызметі.
— Қала тұрғындары мен қонақтарына Қосмонавтар көшесінде, Алпамыс батыр көшесінен Қабанбай батыр даңғылына дейінгі аралықта жол төсемін жөндеу жұмыстары жүргізілетінін хабарлаймыз. Осыған байланысты биылғы жылдың 26 және 27 қыркүйек аралығында аталған учаскеде көлік қозғалысы толығымен жабылады. Жүргізушілер мен жаяу жүргіншілерден маршруттарды алдын ала жоспарлауды және қозғалысты ұйымдастырудағы ықтимал өзгерістерді ескеруді сұраймыз. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылатын болады. Осы өзгерістерге түсіністікпен қарауды және қала бойынша қозғалыстарды жоспарлау кезінде оларды алдын ала ескеруді сұраймыз, — делінген хабарламада.
Бұған дейін Астанада Ақмешіт пен Алматы көшелерінің қиылысы жабылатынын жазғанбыз.
