Астанада Құрбан айт кезінде құрбан шалуға арналған орындар анықталды

None
None
АСТАНА. ҚазАқпарат - Астанада Құрбан айт кезінде құрбан шалуға арналған орындар анықталды, деп хабарлайды қала әкімдігінің сайты .

Биыл Құрбан айт мерекесін тойлау 1 қыркүйекте басталып, 3 күнге созылады. 1 қыркүйекте сағат 07.00-де елорданың 8 мешітінде Айт намазы оқылады. 3 қыркүйекке дейін құрбандық шалу өтеді.

Бүгінде Астанада құрбандық шалуда мал союға арналған белгіленген негізгі орындар анықталды:

1.  «Нұрбереке-555» ЖШС, Алаш, 30 тас жолы («Көк базар» базар жақта);

 Ол жерге келесі қоғамдық көліктермен жете алады: № 11, 34, 38, 41, 53, 58, 120, 127;

2.  «Метро» СҮ (Астана-Қарағанды тас жолы);

Ол жерге келесі қоғамдық көлікпен жетуге болады: № 71;

3.  «Шаушен» ШҚ, «Астана-Павлодар»  тас жолы 9 шақырым;

Ол жерге келесі қоғамдық көлікпен жетуге болады:№ 307;

4.  «Мақсат 2007» ЖШС, «Железнодорожный» ТМ, ул. Ақжар, 20;

Ол жерге келесі қоғамдық көліктермен жете алады: № 15,22;

5.   «Ұлжан» әмбебап базары, (бұрынғы «Саянұр» базары),  Тілендиев көшесі, 24;

Ол жерге келесі қоғамдық көліктермен жете алады:№ 4, 71, 81;

6.   «Темеш» ШҚ, Астана-Софиевка тас жолы 7 шақырым;

Ол жерге келесі қоғамдық көлікпен жетуге болады: № 307;

7.  «Мамырханов» ЖК, «Өндіріс-1» ЖМ;

Ол жерге келесі қоғамдық көлікпен жетуге болады: № 24;

8.  Есжанова А. ЖК, «Жайлау», «Алаш» тас жолы, Ц313 көшесі;

Ол жерге келесі қоғамдық көліктермен жетуге болады: № 7, 34, 38, 39, 41, 120, 127;

9.  «Алтын таға» базары, Қосшы кентінің маңында;

Ол жерге келесі қоғамдық көліктермен жетуге болады:№ 308, 309;

10.  «Сапа Су» ЖШС, Қосшы кенті, 4340 ү., Қосшы кентінің маңында.

Онымен бірге 28-29 тамызда Қазақстан мұсылмандары діни басқармасының филиалында «Нұр Астана» мешітінде шариғат бойынша құрбандық шалуды өткізу бойынша мал қасапшылары үшін екі күндік оқыту семинары өтеді.

Семинарға кез-келген адам қатыса алады. Өзіңмен бірге жеке куәлік пен санитарлық кітапшаны әкелу қажет. Семинардың басталуы сағат 09.00-де, мекенжай: Астана қ. Қабанбай батыр даңғылы 36.

Оған қоса әр учаскеде мұқтаж адамдарға құрбандық шалуды қабылдау бойынша пункттер жұмыс істейтін болады. Бұндай орындар елорданың барлық мешіттерінде жұмыс істейтін болады.

Естеріңізге салайық, елорда тұрғындары мен қонақтары «iMuslim Astana» мобильді қосымшасы жұмыс істейді, ол AppStore және PlayMarket қосымшалары арқылы қолжетімді. Онда Құрбан айт мерекесі кезінде құрбандық шалуға болатын жерлерге қандай автобустар жүретіні жөнінде ақпарат қамтылады. 

Кез-келген туындаған мәселелер бойынша (діни бағытта) кеңес алу үшін елорда тұрғындары мен қонақтары тәулікбойы жұмыс істейтін «2288» сенім телефонына хабарласа алады. Қоңырау шалу тегін.

Елордалық әкімдік мал союға рұқсат берілмеген орындарды Тұтынушылардың құқығын қорғау бойынша басқарма мамандары санитарлық-эпидемиялогиялық тексеру жүргізгендігін, ал ондағы малдарды ветеринарлық қызметтер тексермейтіндігін мәлім етті. Сондықтан, қала билігі тұрғындарға сақ болуды үндейді.

Соңғы жаңалықтар