Астанада құрылыс жұмыстарын жүргізу барысында бір жұмысшы биіктіктен құлап кетті

АСТАНА. Шілденің 1-і. ҚазАқпарат - Астанада жаңадан салынып жатқан «Назарбаев университетінде» құрылыс жұмыстарын жүргізу барысында бір жұмысшы биіктіктен құлап, ауруханаға жеткізілді.

ҚР ТЖМ-нан хабарлағандай, жазатайым оқиға маусымның 30-ы күні таңертеңгі сағат 9.20-да орын алған. «НСМ» ЖШС-ның 30 жастағы жұмыскері үш метр биіктіктен құлаған.

Айта кетейік, биылғы жылы алғашқы студенттерін қабылдауға дайындалып жатқан «Назарбаев университеті» Есіл ауданында, әуежай бағытындағы күре жолдың 7-ші шақырымында орналасқан.