Астанада қыз баланы автобус қағып кетті
АСТАНА. ҚазАқпарат - Астанада жаяу жүргіншілерге арналған өткелден жолды кесіп өтіп бара жатқан қызды автобус қағып кетті, деп хабарлайды ҚазАқпарат тілшісі Астана полиция департаментінің баспасөз қызметіне сілтеме жасап.
«Таңғы 08:20 шамасында Ш. Айтматов көшесінде болған жол апатын полиция тексеріп жатыр. №61 бағдардағы автобус жаяужолдағы жүргіншіні басып кеткен. Жарақат алған қыз ауруханаға жеткізілді», - деп мәлімдеді баспасөз қызметінің өкілдері.
Еске сала кетейік, 20 желтоқсан күні Астанада №54 автобус жаяужолдан өтіп бара жатқан қызды қағып кеткен болатын. Ол жүргізуші қазір жұмысынан қуылды.
Автор: Азамат Сыздықбаев
