Астанада LRT желісіне дыбыс кедергісі қолданылады
АСТАНА. KAZINFORM – Астанадағы жеңіл рельсті көлік жүйесінің (Astana LRT жобасы) қоршаған ортаға әсерін азайту мақсатында дыбыс кедергісі қолданылады.
Қытайлық China construction компаниясы шетелдік бизнес департаментінің бас менеджері Хан Юлонның айтуынша, компания «мөлдір су мен жасыл тау – құнды байлық» жасыл құрылыс концепциясын негізге ала отырып, қоршаған ортаны қорғауға басты мән береді.
- Пойыз тұрғын үйлер және әлеуметтік нысандарға жақын аймақтардан өткен кезде шулы дыбысты тиімді азайту үшін «амортизациялық жол төсемі + дыбыс тосқауылы» технологиясын қолданып, пойыздың шуын 35 децибелден төмен түсіру ойластырылған, - деді Хан Юлон.
Айта кетейік, бұған дейін Астанадағы жеңіл рельсті көлік жүйесінің (Astana LRT жобасы) жерүсті негізгі құрылыс жұмыстары қашан аяқталатынын жазған едік.
