Астанада марафон кезінде көлік қозғалысы шектеледі

АСТАНА. ҚазАқпарат - Астанада қысқы марафон кезінде бірқатар көшеде көлік қозғалысы шектеледі, деп хабарлайды ҚазАқпарат Елорда Инфоға сілтеме жасап.

​Астана қаласында «Astana Winter Marathon» ІІ қысқы марафонының өткізілуіне байланысты (5, 10, 21 және 42 шақырым) 23 желтоқсанда сағат 08:00-ден бастап 13:00-ге дейінгі аралықта жүгіру бағытындағы көшелерде көлік қозғалысы толықтай шектеледі.

Қалалық ПД Әкімшілік полиция басқармасы көлік кептелісін болдырмау үшін жабық учаскені айналып өтуді және басқа ашық жолдарды пайдалануды ұсынады. Бұл А.Байтұрсынов көшесі (Р.Қошқарбаев даңғылынан бастап Т.Жүргенов көшесіне дейінгі аралық) және Қ.Аманжолов көшесі, Сарыкөл көшесі және Тәуелсіздік даңғылымен қиылыстары жабық болады.

Сонымен қатар, іс-шараны өткізу кезеңінде Р.Қошқарбаев даңғылы, Ж.Нәжімеденов көшесі және Ш.Қалдаяқов көшесінің бойында жүк көліктерінің қозғалысы толық шектелетін болады.

Сонымен қатар, қоғамдық көлік бағыттарының қозғалыс сызбасы уақытша өзгертілетін болады (автобустар Ж.Нәжімеденов көшесі және Р.Қошқарбаев даңғылымен жүреді).