Астанада маса-шіркейге қарсы өңдеу жұмыстары жүргізіліп жатыр

маса
Фото: Астана әкімдігі

АСТАНА. KAZINFORM - Елордада маса-шіркейлердің таралуына қарсы дезинсекциялық жұмыстар сәуірден қыркүйекке дейін ай сайын 15 күн ішінде алты кезеңде жүзеге асырылады. Жұмыстарға 100-ге жуық адам, бүрку бойынша арнайы көлік, термогенераторлар тартылады. Агроуниверситетпен бірлесіп, ғылыми қызметкерлерден масалардың түрлерін зерттеу және олардың көбеюі, қажетті жұмыстарды құру жөніндегі штаб құрылды, деп жазды Астана әкімдігінің ресми сайты.

«Столичная дезинфекция» ЖШС қала орталығынан ашық станцияларды – саябақтарды, скверлерді, көшелерді, тұрғын алаптарды өңдеудің үшінші кезеңін аяқтады. Қазір жаппай өсудің алдын алу мақсатында таяз су қоймалары мен сулы-батпақты жерлерді масалардың дернәсілдік формасына қарсы өңдеу жүргізіліп жатыр.

Дезинсекциялық шаралар жәндіктердің санын азайтуға бағытталған. Өйткені олар табиғи экожүйенің ажырамас бөлігі болып саналады. Қазіргі уақытта бүкіл қала бойынша, соның ішінде барлық саябақтар мен жағалауларда барлық қажетті дезинсекциялық жұмыс жүргізіліп жатыр.

Тұрғындардың жайлы демалуы үшін дезинсекциялық жұмыстар түнгі уақытта сағат 21.00-ден 04.00-ге дейін жүргізіледі. Адамдар көп жиналатын орындарға, яғни саябақтар мен жағалауларға ерекше назар аударылады.

Өңдеу кезінде сақтық шараларын сақтау маңызды.

- Өңделетін аймаққа баруды шектеу;
- Өңдеу кезінде терезелерді жабыңыз.

Қан соратын жәндіктердің санын анықтау және азайту жөніндегі жұмыстар бақылауда және ғылыми топтың, санэпидбақылаудың бекітілген кестелері мен ұсынымдарына сәйкес жалғасып жатыр

Сонымен қатар кіреберістер мен жертөлелерді өңдеуді ПИК және МИБ-тер жүргізуі керек екенін атап өткен жөн.

Соңғы жаңалықтар