Астанада маса мен шыбын-шіркейге қарсы өңдеудің үшінші кезеңі басталды

Маса улау
Фото: Астана қаласының әкімдігі

АСТАНА. KAZINFORM —18 маусымнан бастап «Столичная дезинфекция» ЖШС ашық стацияларды-саябақтарды, скверлерді, көшелерді, тұрғын алаптарды өңдеудің үшінші кезеңін бастады. Бұл туралы Астана әкімдігінің ресми сайты жазды.

«Дезинфекциялық шаралар толық жоюға емес, тітіркендіргіш жәндіктердің санын азайтуға бағытталған, өйткені олар табиғи экожүйенің ажырамас бөлігі болып саналады. Бүгінде қалада түнгі уақытта сағат 21.00-ден 04.00-ге дейін жүргізілетін ауқымды дезинсекциялық жұмыстар жалғасып жатыр», — делінген хабарламада.

Тұрғындардың жайлы демалысы мен уақытын өткізу үшін адамдар көп жиналатын орындарға, яғни саябақтар мен жағалауларға ерекше назар аударылады.

Дезинфекциялық шаралар кезінде сақтық шараларын сақтау маңызды:

— Өңделетін жерге баруды шектеу;

— Өңдеу кезінде терезелерді жабыңыз.

Қан соратын жәндіктердің санын анықтау және азайту жұмыстары бақылауда және ғылыми топ пен санитарлық-эпидемиологиялық бақылаудың кестелері мен ұсыныстарына сәйкес жалғасады.

Айта кету керек, кіреберістер мен жертөлелерді өңдеуді ПИК және МИБ жүргізуі тиіс.

Соңғы жаңалықтар
telegram