Астанада мектеп құралдары арзан бағамен сатылып жатыр
АСТАНА. ҚазАқпарат - Бүгін таңертеңнен бастап елордалық әкімдіктің алаңында мектеп жәрмеңкесі өтуде. Аталмыш шара республикалық "Мектепке жол" акциясы аясында ұйымдастырылды, деп хабарлайды әкімдіктің ресми сайты.
Шара сағат 17.00-ге дейін өтеді, қала тұрғындары мектеп формасынан бастап оқуға қажетті канцеляриялық құрал-жабдықтарды сатып ала алады.
Жәрмеңкеде отандық тауарөндірушілермен жасалған мектеп формасының түр-түрі сатылуда. Баға базардың бағасынан анағұрлым төмен.
Канцеляриялық құрал-жабдықтар 10%-дан 50%-ға дейін, мектеп формасы 10%-дан 20%-ға дейін, аяқ киім 10%-дан 25%-ға дейін жеңілдікпен сатылуда.
Бағаның қымбаттап кетпеуі мақсатында әкімдікпен күнде әрі тұрақты түрде бақылау жүргізілуде.
Атап өтейік, қала тұрғындары жәрмеңке аясында тек мектепке қажетті құрал-жабдықтарды ғана сатып алмай, сондай-ақ балалармен демалыстарын өткізе алады.
Астаналық әкімдікпен мәдени-сауықтыру бағдарлама әзірленді, оған қоса шығармашылық ұжымдардың концерті және қуыршақтар театрының қойылымы қойылды.
Қазіргі уақытта жәрмеңкеге барып үлгергендердің саны 500 адам.
Төменде мектепке қажетті құрал-жабдықтардың бағасы көрсетілген:
Тауардың атауы:
Жейденің бағасы (жәрмеңкеде сатылып жатқан)-2500- 5000 теңге,
Ұлдар үшін костюмдер (толық жиынтық)- 4000 -14 000 теңге,
Көкірекше -1000 теңге,
Рюкзактар- 2940 теңгеден бастап,
Жұқа дәптерлер- 5 теңгеден,
Қалың дәптерлер- 75 теңгеден бастап,
Күнделік-250 теңге,
Альбомдар-100 теңгеден бастап (12 бет),
Қалам-20 теңге,
Түрлі-түсті қағаздар-200 теңге,
Пластилин (6 түсті)-200 теңге,
Бантиктер (2 дана)-600 теңге,
Пенал-500 теңге.
