Астанада мектеп тауарларының жәрмеңкелері өтеді
АСТАНА. ҚазАқпарат – 12 тамыздан бастап Астанада мектеп құралдарының жәрмеңкелері өтеді, деп хабарлайды ҚазАқпарат елорда әкімдігінің сайтына сілтеме жасап.
Жәрмеңкелер айдың соңына дейін әр сенбі және жексенбі күндері өтіп тұрады: атап айтқанда 12, 13, 19, 20, 26, 27 тамызда.
Өтетін орындары:
1) Нұра ауданы, Цирк ғимараты алдындағы тұрақ;
2) Байқоңыр ауданы, «Аймақтау» сауда үйінің тұрағы;
3) Сарыарқа ауданы, Demalys Promenade аллеясы, Қосшығұлұлы көшесі, 14;
4) Есіл ауданы, Ботаникалық бақтың тұрағы;
5) Алматы ауданы, Абылай хан даңғылы, 20а.
Жәрмеңкеге отандық тауар өндірушілерді қатыстыру жоспарланған. Сондай-ақ жергілікті шеберлер мен қолөнершілер өз өнімін ұсынады деп көзделген.
Кәсіпкерлер тұрғындарға қолайлы баға ұсыну үшін сауда орындары тегін ұсынылмақ.
