Астанада ММА аралас жекпе-жектен Азия чемпионаты мен М-1 challenge 48 «Battle of Nomads» кәсiби турнирi өтедi
АСТАНА. ҚазАқпарат - Мамырдың 22-24 күндерi Астанада ММА аралас жекпе-жектен Азия чемпионаты мен М-1 challenge 48 "Battle of Nomads" кәсiби турнирi өткiзiледi. Азия бiрiншiлiгiнiң ақтық сынын Дүниежүзiлiк ММА қауымдастығының құрметтi президентi Федор Емельяненко тамашалауға келедi деп күтiлуде.
Жарысқа Қазақстан, Оңтүстiк Корея, Өзбекстан, Тәжiкстан, Қырғызстан, Ресей, Әзербайжан, Иран елдерiнiң апайтөс спортшылары қатыспақ.
Джиу-джитсу федерациясы мен Қазақстанның ММА президентi Анатолий Кимнiң айтуынша, М-1 жарысында Қазақстанның намысын төрт спортшы қорғайды. Атап өтер болсақ, ММА Қазақстан самбо мен панкратионның чемпионы, ММА әлем кубогiнiң иегерi Рашид Дагаев, Нұржан Шайхин, Самбодан Қазақстан чемпионы Жұмагелдi Жалғасұлы, Ушу-саньданнан Азия чемпионы Асиф Тагиев рингке шығады.
Қазiргi уақытта Ұлттық құрама Қазақстан еңбек сiңген бапкерi Баян Жанғаловтың жетекшiлiгiмен оқу-жаттығу жиындарына қатысуда.
