Астанада мотоциклшіні соғып өлтірген КамАЗ жүргізушісі 4 жылға сотталды

АСТАНА. ҚазАқпарат - Астанада мотоциклшіні соғып өлтірген КамАЗ жүргізушісі 4 жылға сотталды, деп хабарлады қалалық соттың баспасөз қызметінен.

Астана қаласы №2 Алматы аудандық сотының 2015 жылғы 12 қазандағы үкімімен КамАЗ жүргізушісі ҚР ҚК 345-бабы 3-бөлігі бойынша айыпты деп танылып, 4 жылға бостандығынан айырылды.

Еске сала кетейік, ағымдағы жылы 30 маусымда жүргізуші К. «КамАЗ 5410» маркілі жүк көлігін басқарып, Қобыз-Төлебаев көшелерінің қиылысында жолда жүру ережесін бұзып, Төлебаев көшесінің бойымен Еділ көшесіне қарай бара жатқан скутер жүргізушісін соққан болатын.

Апат салдарынан скутер жүргізушісі көз жұмды.