Астанада мүмкіндігі шектеулі жандар үшін бос орындар жәрмеңкесі өтеді
АСТАНА. ҚазАқпарат - 2015 жылдың 31 наурызында сағат 10.00-13.00 аралығында, Бейбітшілік көшесі, 25 үйде орналасқан Жұмыспен қамту орталығында мүмкіндігі шектеулі жандар үшін бос орындар жәрмеңкесі өтеді. Бұл туралы елорда әкімдігінінің ресми сайтында хабарлады.
Жәрмеңкені өткізудегі мақсат - мүмкіндігі шектеулі жандарды жұмыспен қамтып, оларды жұмысқа белсенді араластыру. Жәрмеңкеде Жұмыспен қамту орталығының мамандары «Жұмыспен қамту жол картасы - 2020» бағдарламасына қатысу мәселесі бойынша кеңес береді. Халықтың мақсатты топтарының мүшелеріне «Жұмыспен қамту жол картасы - 2020» бағдарламасы аясында әлеуметтік жұмыс орындарына жұмысқа тұру бойынша мәліметтер алуға мүмкіндік беріледі.
