Астанада мұз сарайы құрылысында Косовоның үш азаматы қаза тапты
АСТАНА. ҚазАқпарат - Астанада 20 метр биіктіктен құлаған үш монтаждаушы жұмысшы қайтыс болып, тағы үш адам ауруханаға жеткізілді, деп хабарлады бүгін елордалық ТЖ департаментінің баспасөз қызметі.
«Бүгін 13 шілдеде, сағат 11:04-те Есіл ауданында салынып жатқан «Астана қаласы көпбейінді мұз сарайы» құрылысында жұмыс жүргізу барысында «Mabco Construction S.A.» фирмасының астаналық филиалының 6 монтаждаушысы (болжаммен Косово Республикасының азаматтары) 20 метр биіктіктен құлап кетті», - делінген хабарламада.
ТЖД ақпаратында олардың есімі аталған. Үш адам ауыр жарақат салдарынан қаза тапты: Блерин Кадриу (1981 ж.т.), Беким Дурмиш (кім екені анықталуда), азиялық бет-пішінді 40-45 жастағы ер адам (кім екені анықталуда).
Астана қаласы №2 ауруханаға жарақатпен жатқызылғандар: Авжи Максути (1979 ж.т.), Биколи Исуф (1956 ж.т.), 35-40 жастағы ер адам (кім екені анықталуда).
