Астанада Наурыз мейрамында жастар дискотекасы өтеді

АСТАНА. 20 наурыз. ҚазАқпарат - Көктемнің жарқын мерекесі - Наурыз мейрамына арналған шаралар ауқымында 22 наурызда сағат 18-ден 22-ге дейн елорданың Орталық алаңында жастар дискотекасы өтеді.

Бұл туралы «Бәйтерек» халықаралық медиа-орталығының баспасөз қызметі хабарлады.

Бұл мерекелік шараға Астананың шығармашылық ұжымдары және қазақстандық эстрада жұлдыздары Алтынай Жорабаева, Ақылбек Жеменей, Қайрат Нұртас, «Алдаспан» тобы», Маржан Арапбаева және басқалары қатыспақ.

Дискотека соңы сағат 22:00-де елорда көгіндегі мерекелік отшашумен аяқталады.