Астанада өрт салдарынан 600 адам мектепті тастап шықты

АСТАНА. ҚазАқпарат - Астана қаласы Сарыарқа ауданындағы Ы. Алтынсарин көшесінің бойында орналасқан №25 орта мектептің бірінші қабатынан өрт шықты, деп хабарлады ҚР ТЖМ баспасөз қызметінен.

«ТЖ 18 наурызда түске таман болған. Өртке қарсы қызмет келгенше, 600 адам мектепті тастап шыққан, олардың 500-і оқушылар», - делінген хабарламада.

Өртті ауыздықтауға ҚР ТЖМ Астана қаласының ТЖД өрт сөндіру қызметінің 14 техникасы мен жеке құрамның 14 адамы жұмылдырылды. Қаза болғандар мен зардап шеккендер жоқ.