Астанада өрт салдарынан бес адам опат болды, олардың үшеуі - балалар

АСТАНА. Ақпанның 25-і. ҚазАқпарат - Астанада жекеменшік үйлердің бірінде болған өрт салдарынан бес адам опат болды, олардың үшеуі - балалар,

деп хабарлады Төтенше жағдайлар министрлігінің баспасөз қызметінен.

Құтқарушылардың мәліметтері бойынша, өрт бүгін таңғы сағат 6-ларда болған. 20 шаршы метр ауданға жайылған тілсіз жауды ауыздықтау кезінде құтқарушылар бес адамның денесін тапқан. Олардың ішінде 2, 6 және 12 жастағы үш бала болған.