Астанада «Отбасыдан артық не бар?» атты кең ауқымды акциясы өтуде
АСТАНА. 15 мамыр. ҚазАқпарат - Бүгін Астанада Халықаралық отбасы күнінде «Болашақ бүгіннен басталады!» республикалық акциясының аясында
«Отбасындан артық не бар?» атты кең ауқымды акциясы өтуде.
Оның негізгі мақсаты- Астана қаласындағы ата-аналар үшін Отбасы тәрбиесі институтын тәмамдаған 70 педагог-психологтың тегін кеңестерін ұйымдастыру және өткізу.
Бұл акция қаланың 70 нүктесінде таңертеңгі сағат 9.00-ден кешкі 19.00-ге дейін өтеді. Психологтардың кеңестері қаланың 60 оқу мекемесінде, «Қуаныш» даму орталығы, медициналық-әлеуметтік оңалту орталығы, «Premium staff service» жұмысқа орналасу бойынша бюросы, жаңа «Оқушылар сарайы» сияқты әлеуметтік маңызды нысандарда өткізіледі.
Акция қаладағы ата-аналарға отбасындағы психология және педагогика бойынша тегін кеңестер алуға мүмкіндік береді. Бұл 2000 жанұяға отбасылық тәрбиелеудегі күрделі кемшілікер мен өткір мәселелерді шешудегі дұрыс әрекеттер бағдарламасын табуға көмектеседі.
«Болашақ бүгіннен басталады!» - дейді шараның ұымдастырушылары және барлық адамдарды оған қатысуға шақырады.
