Астанада өтетін марафонда тоғыз Олимпиада ойындарының жүлдегерлері жүгіреді

АСТАНА. ҚазАқпарат - 27 тамыз күні Астанада өтетін ШЫҰ марафонында кәсіпқой жеңіл атлеттер ғана емес, өзге спорт түрлерінен Олимпиада ойындарының жүлдегерлері де қатысады, деп хабарлайды ҚазАқпарат тілшісі ҚР Жеңіл атлетика федерациясына сілтеме жасай отырып.

Олар:

2017 метр

Людмила Прокашева (конькимен жүгіру, 1998 жылғы қысқы Олимпиада ойындарының қола жүлдегері)

Елена Хрусталева (биатлон, 2010 жылғы қысқы Олимпиада ойындарының күміс жүлдегері)

Дмитрий Карпов (жеңіл атлетика, көпсайыс түрінен 2004 жылғы жазғы Олимпиада ойындарының қола жүлдегері)

Қанат Ислам (бокс, 2008 жылғы жазғы Олимпиада ойындарының қола жүлдегері, барлық кездесуінде жеңіске жетіп келе жатқан кәсіпқой боксшы)

Жәнібек Әлімханұлы (бокс, 2013 жылғы әлем чемпионы)

Жанқош Тұраров (кәсіпқой бокс, WBA тұжырымы бойынша жартылай орта салмақ дәрежесіндегі әлем чемпионы)

Ұлан Рысқұл (балуан, 2011 жылғы «Қазақстан барысының» жеңімпазы),

Айдос Ербосынұлы (кәсіпқой бокс, Орта салмақ дәрежесінің боксшысы)

Нұрсұлтан Жанайбеков (кәсіпқой бокс, WBA China тұжырымы бойынша бірінші орта салмақ дәрежесінің чемпионы)

Әлішер Қабдуллаев (каратэ, Жастар арасындағы әлем чемпионы).

10 шақырым

Бақтияр Артаев (бокс, 2004 жылғы Олимпиада чемпионы)

Серік Сәпиев (бокс, 2012 жылғы Олимпиада чемпион)

Данияр Елеусінов (бокс, 2016 жылғы Олимпиада чемпионы)

Болат Жұмаділов (бокс, 1999 жылғы әлем чемпионы)

40 шақырым

Александр Винокуров (велоспорт, 2012 жылғы Олимпиада чемпионы)

Асан Базаев (велоспорт, көптеген велокөпкүндіктердің жеңімпазы).