Астанада паражүзуден әлем кубогінің жеңімпазына арналған мурал салынды
НҰР-СҰЛТАН. ҚазАқпарат - Елордада паражүзуден әлем кубогінің жеңімпазы Сиязбек Далиевке арналған мурал салынды, деп хабарлайды ҚазАқпарат әкімдіктің Instagram парақшасына сілтеме жасап.
Сиязбек Далиев – паражүзуден Азия мен Еуропа чемпионы, әлем кубогінің жеңімпазы.
Ол биыл «Токио-2021» олимпиадасында еліміздің намысын қорғайды.
Сиязбек тек спортшыларға ғана емес, өзге де жас ұрпаққа өзінің ерік-жігері мен намысшылдығы арқылы үлгі болып жүр.
«Мурал «Toyota Motor Kazakhstan» компаниясы және Ұлттық паралимпиадалық комитеттің бастамасымен салынды. Муралды салған - суретшілер Аяулым мен Айбек Нурбековтар отбасы» делінген хабарламада.
Айта кетейік, мурал Нұр-Сұлтан қаласы Сарыарқа ауданы 189-көше, 5-үйдің қабырғасына салынған.
