Астанада педагогикалық идеялардың IX қалалық фестивалі өтті
АСТАНА. ҚазАқпарат - Астанада педагогикалық идеялардың IX қалалық фестивалі өтті. Астана қаласы Білім басқармасының «Астана дарыны» ӨҒПО ұйымдастырған шара Қазақстан Тәуелсіздігінің 25 жылдығына орайластырылған, деп жазады astana.gov.kz.
Финалға шыққан 67 ерекше жобаны сарапшылар комиссиясы бағалады.
Педагогтар мектеп оқушыларын оқыту және тәрбиелеу бойынша өздерінің зияткерлік еңбектерін төрт бағыт бойынша ұсынды: қоғамдық-гуманитарлық, физика-математикалық, ғылыми-жаратылыстану және психологиялық.
Әрбір бағыт бойынша 6 жүлдегер анықталды, олар республикалық байқауға қатысатын болады.
IX қалалық фестивальдің қорытындысы бойынша қоғамдық-гуманитарлық бағытта Ботагөз Каипова, Роза Қазбекова, Татьяна Маканова, Лилия Литвинова, Любовь Кан, Салтанат Жакалакова жеңімпаз атанды; физика-математикалық бағытта Есбол Дүйсеев; жаратылыстану-ғылыми бағытта Қарлығаш Нұжанова; ал психологиялық бағытта Михаил Смецкой мен Гүлнар Казкенованың идеясы үздік деп танылды.
