Астанада рәміздер күніне арналған веложарыс өтті

АСТАНА. ҚазАқпарат - Бүгін Астанада ҚР Мемлекеттік рәміздер күніне арналған веложарыс өтті, деп хабарлайды қала әкімдігінің сайты.

Жыл сайын шараға 2,5 мың адам қатысады. Олардың қатарында кәсіби спортшылар да әуесқойлар да бар. Олар Қабанбай батыр-Қорғалжын тасжолы -Тұран даңғылы бағыттары бойынша жүріп өтіп, «Астана-Арена» стадионында мәреге жетті. Вело спортшылар 10,5 шақырым қашықтықты бағындырды.
-Алғашқы жарыс ЭКСПО-2017 халықаралық көрмесін қолдау мақсатында вело маусымның ашылуына орай, 20 мамыр күні өтті. Осыдан соң көпшіліктің сұрауы бойынша қалалық әкімдіктің, дене шынықтыру және спорт басқармасының, Астана қаласының бұқаралық спорт іс-шараларын өткізу дирекциясының бастамасымен мемлекеттік рәміздер күніне арналып веложарыс тағы да өткізілді, - дейді ұйымдастырушылар.