Астанада РФ-да адам ұрлап, зорлап, бұзық әрекеттер және қарақшылық жасағаны үшін іздеуде жүрген ресейлік азамат ұсталды
АСТАНА. 1 қазан. ҚазАқпарат - Жедел-іздеу шараларын өткізу кезінде Астана қалалық ІІД-нің қызметкерлері Ресей ІІМ Бас басқармасындағы қылмыстық іздеу басқармасының қызметкерлерімен бірігіп,
Астана қаласында Ресей аумағында бірқатар ауыр қылмыстар - адам ұрлау, зорлау, жыныстық сипаттағы бұзықтық әрекеттер және қарақшылық жасағаны үшін іздеуде жүрген Ресей Федерациясының 28 жастағы азаматын ұстады.
Бұл туралы ІІД-нің баспасөз қызметінен хабарлайды.
Ұсталған азамат Астана қалалық ІІД-нің уақытша ұстау абақтысына қамауға алынды. Оны экстрадициялау мәселесі шешілу үстінде.
